اسلام آباد / ماسکو(آئی پاک ٹی وی ) روسی نائب وزیراعظم الیکسی اوورچوک کل 2روزہ دورے پر اسلام آباد پہنچیں گے۔
ترجمان دفتر خارجہ کے مطابق روسی نائب وزیراعظم الیکسی اوورچوک کل کے ہمراہ اعلی سطح کا وفد بھی ہوگا۔ وہ صدر مملک آصف زرداری، وزیراعظم شہباز شریف اور اعلی حکام سے ملاقاتیں کریں گے۔
نائب وزیراعظم اسحاق ڈار اور روسی ہم منصب کے درمیان کل باضابطہ مذاکرات ہوں گے جن میں پاکستان اور روس کے درمیان تجارت و معاشی تعاون پر بات چیت ہوگی۔
دونوں ممالک کے درمیان ریل اور روڈ روابط کے فروغ کے لیے یہ اہم دورہ ہے۔