قومی اسمبلی کا اجلاس جاری، عدلیہ سے متعلق آئینی ترامیم پیش کیے جانے کا امکان

اسلام آباد(آئی پاک ٹی وی )عدلیہ سے متعلق آئینی ترامیم منظور کرانے کیلئے قومی اسمبلی کا اجلاس جاری ہے۔
تفصیلات کے مطابق ڈپٹی سپیکر غلام مرتضیٰ شاہ کے زیر صدارت قومی اسمبلی کا اجلاس جاری ہے۔ اجلاس کے آغاز پر اسپیکر نے رحیم یار خان سے منتخب پی پی کے رکن اسمبلی طاہر رشید سے حلف لیا۔
حکومت نے آج اجلاس عدلیہ سے متعلق آئین میں موجود شقوں میں ترامیم کی منظوری کے لیے بلایا جب کہ آج بھی سینیٹ کا اجلاس بھی بلایا گیا ہے تاکہ جلد از جلد ترامیم منظور کرائی جاسکیں۔
جے یو آئی نے چیف جسٹس سمیت کسی بھی عہدے کی توسیع کی حمایت سے انکار کردیا ہے جس کے بعد حکومت کو نمبر گیم پورے کرنے میں مشکلات کا سامنا ہے۔