نائیجیریا :آئل ٹینکر کے دھماکے میں 48 افراد جاں بحق

میڈوگری(آئی پاک ٹی وی )نائیجیریا کے وسطی علاقے میں آئل ٹینکر گاڑی سے ٹکرایا گیا ۔جس کے بعد ہونے والے دھماکے کے نتیجے میں 48 افراد ہلاک ہوگئے۔
نائیجیریا کی اسٹیٹ ایمرجنسی منیجمنٹ ایجنسی نے بتایا کہ وسطی نائیجیریا میں آئل ٹینکر ایک گاڑی سے ٹکرایا اور دھماکا ہوا۔
اسٹیٹ ایمرجینسی مینجمنٹ نے بتایا کہ آئل ٹینکر مسافروں اور مویشیوں کو لے کر جانے والی ایک گاڑی سے ٹکرایا اور اس حادثے کے نتیجے میں دیگر کئی گاڑیاں بھی لپیٹ میں آگئیں۔
حسینی ابراہیم نے کہا کہ حادثے میں ہلاکتوں کی تعداد 48 ہے اور مقامی انتظامیہ جائے حادثہ صاف کرنے کی کوشش کر رہی ہے۔
نائیجیریا کی سرکاری کمپنی این این پی سی لمیٹڈ نے گزشتہ ہفتے ہی پیٹرولیم مصنوعات کی قیمت میں 39 فیصد اضافہ کردیا تھا جو ایک سال سے بھی کم عرصے میں دوسرا بڑا اضافہ تھا۔
پیٹرولیم مصنوعات کی قیمت میں بڑے پیمانے پر اضافے کے باوجود پیٹرول کی قلت کا خاتمہ نہیں ہوا تھا اور ملک کے بڑے شہروں اور قصبوں میں پیٹرول پمپس میں گاڑیوں طویل قطاریں لگ رہی تھیں۔