چیمپئنز ٹرافی: آئی سی سی وفد آئندہ چند روز میں پاکستان کا دورہ کرے گا

لاہور(آئی پاک ٹی وی ) انٹرنیشنل کرکٹ کونسل (آئی سی سی )کا وفد چیمپنئز ٹرافی 2025کے سلسلے میں آئندہ چند روز میں پاکستان کا دورہ کرے گا۔
تفصیلات کے مطابق آئی سی سی وفد پاکستان میں چمپئنز ٹرافی 2025ء کیلئے کئے جانیوالے اقدامات کا معائنہ کرے گا، آئی سی سی وفد لاہور، کراچی اور راولپنڈی سٹیڈیم میں جاری اپ گریڈیشن کا بھی جائزہ لے گا، پی سی بی حکام آئی سی سی وفد کو سٹیڈیمز میں جاری تعمیراتی کام سے متعلق بریفنگ دیں گے۔
آئی سی سی وفد کی چیئرمین پی سی بی محسن نقوی سے ملاقات بھی متوقع ہے، آئی سی سی وفد کو غیرملکی ٹیموں کی رہائش اور سکیورٹی سے متعلق بریفنگ بھی دی جائے گی۔
یاد رہے کہ پی سی بی نے تمام سٹیک ہولڈر کو دسمبر تک اپ گریڈیشن مکمل ہونے کی یقین دہانی کرا رکھی ہے، چمپئنز ٹرافی آئندہ سال فروری، مارچ میں لاہور، کراچی اور راولپنڈی میں شیڈول ہے۔