لندن(آئی پاک ٹی وی ) پاکستان سے سیریز سے قبل انگلینڈ کو بڑا دھچکا ،فاسٹ بائولر مارک ووڈ کہنی کی انجری کے باعث شاہینوں کیخلاف سیریز سے باہرہوگئے
انگلش کرکٹ بورڈ (ای سی بی) کے مطابق مارک ووڈ اس سال مزید کرکٹ نہیں کھیلیں گے۔
اسی سی بی کا مزید کہنا ہے کہ مارک ووڈ انگلینڈ کے دورہ پاکستان اور نیوزی لینڈ میں حصہ نہیں لیں گے، وہ اگلے سال پاکستان میں چیمپئنز ٹرافی سے قبل واپسی کیلئے پر امید ہیں۔
یاد رہے کہ مارک ووڈ کو رواں سال ویسٹ انڈیز کیخلاف سیریز میں کہنی میں تکلیف کی شکایت ہوئی تھی۔
انگلش ٹیم کے فاسٹ باؤلر نے تکلیف مینج کرتے ہوئے سری لنکا کیخلاف ٹیسٹ بھی کھیلا تاہم ٹیسٹ رپورٹ میں انکشاف ہوا ہے کہ مارک ووڈ کی دائیں کہنی ’’سٹریس انجری‘‘ کا شکار ہے۔